بێ باکی دەسەڵاتدارانی بەغدا
خەرج نەکردنی شایستە داراییەکانی هەرێمی کوردستان لە لایەن حکومەتی ئیتیحادی و ئەو یاریە ماندووکەرەی بەغدا بێ سڵەمینەوە دەستی داوەتێ و هەر رۆژەو بیانوویەک بە هەرێمەوە دەگرێ، هێمای بێ باکی دەسەڵاتدارانی بەغدایە بەرامبەر بە هەرێم و دانیشتوانەکەی.
وەستانی فرۆشتنی نەوت لە پارساڵەوە زیانێکی گەورەی لە ئابوری هەرێم و سەرچاوەی داهاتەوە دا. ئەو دەنگە نەشازو زۆڵە کوردانەی داوای ڕادەست کردنی نەوتی هەرێمی کوردستانیان بە بەغدا دەکرد،ئێستاکە لەو پەڕی بێدەنگیدا هێشتا دەستە چەورەکانیان بە هەرێم و حکومەتەکەیەوە دەسڕنەوەو بێدەنگ و کەڕولاڵ و کوێرن.
بێدەنگن لە ئاست ئەم مامەڵە نائینسانیەی بەغدا بەرامبەر بە موچەخۆر و دانیشتوانی هەرێم دەیکات. بێدەنگن بەرامبەر ئەو زوڵمەی لە هەرێم و دانیشتوانیەکەی دەکرێ و نقەیان لێوەنایەت.
بەغدا لە بری پێکهاتن و رێککەوتن و بە لادادانی کێشەو ناکۆکیەکانی لەگەڵ هەرێم، بەردەوامە لەسەر نەهجی دەستی دەستی پێکردن و هێشتنەوەی هەرێم لەو دۆخە سەختە ئابوریەی، تەنگی بە موچەخۆرو خانەنشینانەوە هەڵچنیوەو بێ باکە بەرامبەر هەر پێشهات و پاشهاتێکی مەترسیداری ئەم بارودۆخە.
بەغدا لە بری دۆزینەوەی چارەسەری یەکجارەکی، هەرێمی کوردسرانی بە ناردنی شاندو کۆڕوکۆبوونەوەی بێ ئەنجامەوە سەرقاڵ کردووەو هیچ پەلەی نیە لە خەرج کردنی شایستەداراییەکانی موچەخۆرانی هەرێمی کوردستانەوە.
وەڵام بدەوه