ئەو هاشوهوشەی میلیشیا و هێزە سیاسی و سەربازیەکانی عێراق دەستیان داوەتێ بۆ دەرکردنی هێزە هاوپەیمانەکان و تەنانەت نوێنەرایەتی نەتەوە یەکگرتووەکانیش، زیاتر لە دەسیسەو پیلانی وڵاتێکی هەرێمایەتیەوە ئەچێ تا خواستێکی جەماوەری و نیشتیمانی گەلانی عێراقی.
هەر وەک تێبینی دەکرێ هێزەهاوپەیمانەکان زامنی ئاشتی و پێکەوە ژیان و دۆخی سەقامگیری ئەمنی عێراق بوونە، نەک ئاڵۆزی و گرژی و تێک چڕژانی دۆخی ئەمنی.
دۆخی ئەمنی عێراق دوای ڕمانی بەعس، بە چەندین قۆناغی سەخت و ناخۆش و خوێناویدا تێپەڕیوەو گەلانی عێراق قوربانیەکی زۆرو بێ شوماریان بۆ بەرهەڤ کردن و هێنانەکایەی ئاشتی و ئاسایشەوە داوە.
هاشوهوشی دەرکردنی هێزەکانی هاوپەیمان نەک خزمەتی دۆخی ئەمنی ناکات، بەڵکو مەترسی هەڵگیرسانی شەڕو بووژانەوی شانەکانی رێکخراوە تیرۆریستیەکان بەهێز دەکات و بۆی هەیە ئەم وڵاتە بەرەو چارەنووس و بارودۆخێکی ترسناک و نەرێنیەوە بەرێت و دۆخەکە تەواو لە کۆنترۆڵ دەربچێ و بەڵاو کارەسات و گێژاوێکی تر بەرۆکی عێراقیەکان بگرێت.
وەڵام بدەوه