یەکگرتوویی کورد سەنگی مەحەکە بۆ مانەوەی بە بەهێزی
دەسیسەو پیلانگێڕیەکانی نەیارانی کورد لەوەتەی مێژوو نوسراوەتەوە لە ژومار نایەن. کوردی داماو لەوەتەی چاوی کردۆتەوە بە دەست پەرتەوازەیی و ناکۆکی و ستەمی نەتەوایەتیەوە ناڵاندوویەتی.
هەرچەندە لەوەتەی بزاڤی نەتەوەیی کورد هاتۆتە کۆڕی خەبات و بەرخودانەوە و بە گژ داگیرکەرانی نیشتیماندا چووەتەوە، پەرت بوونی ڕیزەکانی ناو خودی بزاڤەکە، گەورەترین ئاستەنگ بوونە لەبەردەم بەرەو پێشەوە چوونی پرسی کورد و گەیشتن بە ئامانجە نەتەوەیی و نیشتیمانیەکانەوە.
ڕۆژهەڵاتی ناوین بە حوکمی هەڵکەوتەی جوغرافیایی و پێکەو گرێدانی ڕۆژهەڵات و ڕۆژئاوا لە پاڵ پێگەی جیۆسیاسی هەرێمی کوردستانیشەوە گرینگی خۆی هەبووەو هەیە. بەڵام ئامادە نەبوونی روئیایەکی نیشتیمانی نەتەوەیی یەکانگیر و پەرتەوازەیی بە درێژایی مێژوو گەورەترین ئاڵنگاری و ئاستەنگی بەردەم کورد بوونە بۆ دەستەبەرکردنی مافە نەتەوەییەکان و زامنکردنی ئاسایش و پاراستنی ژیان و ئاوو خاکەکەیەوە.
بۆیە لە ئێستادا و بە لەبەرچاوگرتنی دۆخی هەستیاری خۆرهەڵاتی ناوین و جەنگی درێژخایەنی ئۆکراینیا بە گشتی و جەمسەربەندیەکانی سەر گۆڕەپانی سیاسی عێراق و هەڕەشەکانی ئەمریکا بە داگیرکردنی گرینلاند و مەترسیەکانی ئەوروپالە ئاڕاستەی سیاسەت لە ئەمریکاو تەماحەکانی رووسیە بە تایبەتی، پێویستە کورد لە هەموو کاتێک زیاتر بە تەنگ یەکڕیزی و کاری دەستەجەمعیەوە بێ و خۆی لە چنگ موتەکەی دووبەرەکی و پەرتەوازەیی و ناکۆکیە هەمیشەییەکانەوە رزگار بکات و بۆ کۆتاجار پەرتەوازەیی و ململانێ کەمەرشکێنەکان تێپەڕێنێ.
وەڵام بدەوه