کۆڕبەندی ئاسایشی میونیخ سەکۆیەک بۆ گفتوگۆکردن
کۆڕبەندی ئاشتی و ئاسایشی میۆنیخ لە ئەڵمانیا لە کاتێکدا ئەنجام ئەدرێت، دۆخی ئاشتی و ئاسایش لە رۆژهەڵاتی ناوەڕاست لەبەردەم چەندین ئەگەرو پێشهاتی نوێی و پڕلە نیەرانی و مەترسیداردایە.
بەشداری کردنی ژماریەکی بەرچاو سەرۆک و سەرکردەی وڵاتانی جیهان و خەڵکی ئەکادێمیست و توێژەرو لێکۆڵەرو سیاسی، بایەخێکی گەورەی بەم کۆڕبەندە داوە، بەوەی دەرفەتی گفتوگۆی کراوە و راشکاوانە بۆ بەشدار بووان دەرەخسێنێ.
گەنگەشەکردنی پرسە هەستیارە سیاسی، دیپلۆماسی و ئابوریە لۆکالی و جیهانیەکان، یارمەتیدەرە بۆ روشنایی خستنە سەر ئەو پرس و گرفتانەی چاوەڕوانی چارەسەرین.
دەرەنجامەکانی گفتوگۆی راشکاوانەی بەشداربووانی کۆڕبەندی ئاشتی و ئاسایش ، میکانیزم و کەرەستەیەکە بۆ لێک نزیک کردنەوەی بیروفکروبۆچوون و روانگە جیاوازیەکان و خستنەرووی چارەسەریەکان و درووست کردنی روئیایەک بە ئاڕاستەی ئاشتی و ئارامی و سەقامگیری و ئاشتی سەرتاسەری و مسۆگەرکراوەوە.
بەشداری کردنی سەرۆکی هەرێم لەم کۆڕبەندە دەرفەتێکی باشە بۆ بەرچاوخستن و خستنەرووی پێگەی کورد بە گشتی و هەرێمی کوردستان بە تایبەتی لە گۆڕانکاریەکانی رۆژهەڵاتی ناوەڕاست و رۆڵی کورد لە راگرتنی پارسەنگی هاوکێشە سیاسیەکانی پەیوەست بە ناوچەکەوە.
وەڵام بدەوه