دیکتاتۆری ناتوانێ لە تاقیکردنەوەی دیموکراسی سەرکەوێ

هیچ سیستەمێکی شمولی دیکتاتۆری ناتوانێ لە تاقیکردنەوەی دیموکراسی سەرکەوێ
لەوەتەی مێژوو نووسراوەتەوە هیچ کام سیستەمە شمولی و دیکتاتۆریەخوێنمژەکانی دونیای سیاسەت  نەیانتوانیوە لە تاقیکردنەوەی دیموکراسی سەرکەون و دونیایەکی جوان و پڕ لە بەختەوەری بۆ تاکەکان فەراهەم بکەن. 
حوکمڕانی شمولی لە وێنەی شا و باوکی یا شای ئێران و بەعسی سوری و بەعسی عەفڵەقی و هاوشێوەکانیان لە رۆژهەڵاتی ناوین، نەک نەیانتوانی خەونە گەورەکان دەست بخەن و دونیایەکی جوان و تەژی یەکسانی و خوشگوزەرانی بۆ گەلانیان دروست بکەن، بەڵکو دواجار بوون بە دێوەزمەیەکی ترسناک و خوێنمژ و مایەی نەهامەتی و وێرانی بۆ گەلانیان. 
مێژووی دوورونزیکی ئەم هێزە شمولیانە هەڵگری دەیان چیرۆک و بەسەرهاتی ترسناک و پەیرەوکردنی نامرۆڤانەترین مێتۆدەکانی زەبروزەنگ و کوشتن و بڕین و کردنی کۆمەڵگاکانیانە بە دۆزەخێک بۆ هاونیشتیمانیان و وێران کردنی هەموو دیوەکانی ژیان. 
یەکێک لە پێش مەرجەکانی بونیادنانی کۆمەڵگایەکی دیموکرات، پەیرەوکردنی هزرو فکرو  کولتورو بیرۆکەی دیموکراسی و بەرهەم هێنانی هەستی پێکەوەژیانە، نەک باڵادەستی و تائیفەگەری و پێشێل کردنی سەرەتاییترین مافەکانی مرۆڤ و بە پەنابردن بۆ زەبروزەنگ و ترس و تۆقاندن و کەڵەگایی کردن.