بافڵ توڵەی لە شاسوار کردەوە

سیاسەتی بێ پرەنسیپ؛ چۆن نەوەی نوێ لە ڕکابەرێکی سەرسەختەوە بوو بە پاشکۆی یەکێتی؟
​نوسینی: هۆگر نێروەیی
داڕشتنەوەی بەشی وتار و شیکاری — کوردستان پرێس
​ئەو واقیعە سیاسییەی لە کاتی هەڵبژاردنەکاندا لە هەرێمی کوردستان دەیبینین، پەردە لەسەر ڕاستییەکی تاڵ لادەبات: سیاسەتێک کە چۆڵ بووە لە هەر پرەنسیپێکی ئەخلاقی. لە کایەی سیاسیی ئێستادا، جۆرە کایەیەک دەبینرێت کە تەنها ئامانجی فێڵکردنە لە دەنگدەر، بەبێ گوێدانە بەها سەرەتاییەکانی کاری حیزبایەتی.
​شانۆگەریی پێش هەڵبژاردن و فێڵکردن لە خەڵک
​لە کاتی بانگەشەی هەڵبژاردندا، هاوکێشەکە بە جۆرێکە کە وەک بڵێی یەکێتی نیشتمانی کوردستان بە لایەنە نەیارەکانی دەڵێت: "سوکایەتیم پێ بکەن، جنێوم پێ بدەن و هەرچی شتی ناشرینە بە منی فڕێ بدەن"؛ ئەمەش نەک لەبەر بێدەسەڵاتی، بەڵکو ستراتیژێکی داڕێژراوە بۆ گەرمکردنی بازاڕی هەڵبژاردن و ڕاکێشانی سەرنجی شەقامی توڕە، تەنها و تەنها بۆ ئەوەی پێکەوە فێڵ لە خەڵک بکەن.
​پێش هەڵبژاردنەکان، توندترین و ناشرینترین هێرشەکان دەکرێنە سەر یەکێتی، بەڵام ئەمە تەنها سەرەتای یارییەکەیە.
​دوای هەڵبژاردن؛ کاتی کێشانەوەی باج و تۆڵەی بافڵ تاڵەبانی
​کێشەکە لێرەوە دەستپێدەکات؛ کاتێک پرۆسەی دەنگدان کۆتایی دێت و قۆناغی دابەشکردنی کێکەکە و پێویستیی یەکێتی بە لایەنەکان دەستپێدەکات، هاوکێشەکە ١٨٠ پلە پێچەوانە دەبێتەوە. لێرەدا مۆدێلی شاسوار عەبدولواحید و جووڵانەوەی نەوەی نوێ وەک ڕوونترین نموونە دەردەکەوێت:
​پێش هەڵبژاردن: شاسوار و میدیاکانی نەوەی نوێ هەرچی سوکایەتی و هێرش هەبوو ئاڕاستەی یەکێتییان کرد بۆ ئەوەی خۆیان وەک تاکە بەدیل نیشان بدەن.
​دوای هەڵبژاردن: بافڵ تاڵەبانی دە ئەوەندە تۆڵەی لە شاسوار عەبدولواحید کردەوە. نەک هەر سوکایەتییەکانی پێشووی پێ شۆردەوە، بەڵکو بە جۆرێک شکاندی کە چۆکی پێدا کێشا و کردی بە پاشکۆی تەواوی خۆی.
​حەقیقەتی تاڵ: حیزبێک بە ناوی جیاواز و ئۆرگانێکی شاراوە
​ئەو ڕاستییە حاشانەهەڵگرەی لەم دۆخەدا دەردەکەوێت ئەوەیە کە شاسوار عەبدولواحید، چ بیەوێت و چ نەیەوێت، ئێستا چیدی ڕکابەری یەکێتی نییە، بەڵکو بووەتە عەمیلی بافڵ تاڵەبانی.
​بارودۆخەکە گەیشتووەتە ئاستێک کە شاسوار لەناو حیزبەکەی خۆیدا، وەک گوتەبێژێکی ناڕەسمیی بافڵ تاڵەبانی ڕەفتار دەکات. چیتر گرنگ نییە جووڵانەوەی نەوەی نوێ وەک قەوارە دەمێنێتەوە یان نا، چونکە لە ڕووی کرداری و سیاسییەوە، بووەتە بەشێک و ئۆرگانێکی شاراوەی یەکێتی، بەڵام تەنها بە ناوێکی جیاوازەوە.