بۆ بیرهێنانەوە
ئەو بریارانەی لە پەرلەمانی بەغداو بە دیاریکراوی لێژنەی داراییەوە پەیوەست بە هەرێمەوە دەرچوونە، هیچیان لە بەرژەوەندی هەرێم و گەلەکەیدا نین و مەبەست لێی زەوت کردنی ئیرادەی هەرێمی کوردستانە بە ناوەندێکی ( بەهێزەوە).
نەوت و گازی سامانێکی نیشتیمانیە و ڕادەست کردنیشی بە بەغدا بەرامبەرە بە تەسلیم بوون و لاواز کردنی هەرێم وەک قەوارەیەکی سیاسی دان پیانراو.
بە پێی دەستووری عێراقی هەرێمی کوردستان بە لەبەر چاوگرتنی دۆخی سیاسیەکەی مافی خۆیەتی نەوت و گازی خۆی بفرۆشێ.
خێروبێری نەوت و گازی هەرێمی کوردستان بەدرێژایی تەمەنی ئەم عێراقە و دەسەڵاتدارێتی کۆماری و پاشایەتی و چەپ و ڕاستەوە و بە رونی تا ساڵی 2003، کراوە بە ئامرازی کاولکاری و وێرانکاری و قەڵاچۆکردنی کورد و ئەنفال و راگواستن و ترس و تۆقاندنەوە.
بۆیە هیچ رێی تێناچێ و مەعقول نیە ئەم سامانە نیشتیمانیە لە ژێر فشارو هەڕەشەو چاوسورکردنەوەی لایەنی دەرەکی بۆ یەکلایی کردنەوەی ململانێی بەرژەوەندیەکان ڕادەستی بەغدا بکرێت و هەمیسان کوردی پێ بچەوسێنرێتەوەو سوکایەیی پێ بکرێ و قەوارە سیاسیەکەی پێ لە قالب بدرێ.
وەڵام بدەوه