زیاتر لە 60 کەشتی ئێران نوقمی دەریا کران

​پیت هێگسێت، وەزیری بەرگریی ئەمریکا دەستکەوت و ئامارە سەربازییەکانی وڵاتەکەی لە میانی ئۆپەراسیۆنی «تووڕەیی داستانئاسا» دژ بە ئێران ئاشکرا کرد.
​ئەمڕۆ چوارشەممە، 7ـی 10ـی 2026، پیت هێگسێت، وەزیری بەرگریی ئەمریکا ڕوونی کردەوە، گرووپی کەشتیی فڕۆکەهەڵگری «ئەبراهام لینکۆڵن» بۆ ماوەی 40 ڕۆژ بەردەوام ئۆپەراسیۆن و گەمارۆیەکی دەریایی توندیان دژ بە ئێران جێبەجێ کردووە، تاوەکو باڵادەستیی دەریایی ڕەهای خۆیان بۆ بەدیهێنانی ئامانجە ستراتیجییەکانی واشنتن بسەلمێنن.
​ئاماژەی بەوەش کراوە، لە میانی ئۆپەراسیۆنەکەدا هێزەکانی ئەمریکا 3,693 گەشتی ئاسمانیی جەنگییان ئەنجامداوە، 1.37 ملیۆن پاوەند تەقەمەنی و 450 مووشەکی تۆماهۆکیان ئاراستەی ئامانجەکان کردووە، هاوکات 77 فڕۆکەی بێفڕۆکەوانی خۆکوژیان خستووەتە خوارەوە.
​لە بەشێکی دیکەی ڕاگەیەندراوەکەدا، وەزیری بەرگریی ئەمریکا جەختی کردەوە کە هێزەکانیان 64 کەشتیی جەنگیی ئێرانیان نوقمی دەریا کردووە و بەرپەرچی چەندین بەلەم و مووشەکی دژەکەشتییان داوەتەوە، بەوەش ڕێگرییان لە تاران کردووە دەستی بە چەکی ئەتۆمی بگات.