بریاری دادگای هەولێر وێنای سەروەرکردنی یاسایە
دوابریاری دادگای هەولێر لەمەڕ پرسی تیرۆکردن لە ناو جەرگەی پایتەختی هەرێم، دەرخەری بەتەنگەوە چوونی سیستەمی دادوەریە بۆ سەروەرکردنی یاساوە.
تیرۆروکاری تیرۆریستی کردەیەکی قێزەوەنە و لە ژێر هەر پاساوێکدا ئەنجام بدرێت، ناچێتە خانەی مەدەنیەت و رەوایەتی بەخشین بە ئەنجامدان و ئەنجامدەرانیەوە.
حوکومەتی هەرێم و سیستەمی دادوەری خۆیان بە بەرپرسیاری پاراستنی سەروماڵ و گیانی هاوڵاتیان و سەقامگیری و دۆخی تەناهی و ئاسایشی کۆمەڵگا دەزانن و بۆیەش بەتەنگەوەن بۆ سەروەرکردنی یاساو باڵاکردنی رۆحیەتی قانون پارێزیەوە.
گومانی تێدانیە نەبوونی سیستەمێکی بەهێزی دادوەری لەهەر کۆمەڵگایەک، یەکسانە بە هاتنەکایەی دۆخێکی پر لە مەترسی و ئاڵۆزی و گرژی و ترس و تۆقاندن و یاساشکێنیەوە.
دوابریاری دادگای هەولێر پەیوەست بە تیرۆرکردنی هاوکارجافەوە، ئەو گریمانەیە پووچەڵ دەکاتەوە بەوەی هەرێم خاوەنی سیستەمێکی بەهێزی دادوەری و قەزایی نیەو هێشتا ئەم بوارە بە دامەزراوەیی نەکراوە.
وەڵام بدەوه