رافایل غه‌روسی سه‌رۆكی ئاژانسی نێوده‌وڵه‌تی وزه‌ی ئه‌تۆمی نه‌ته‌وه یه‌كگرتوه‌كان ئه‌مڕۆ پێنجشه‌ممه رایگه‌یاند، به شێوه‌یه‌كی "بێ وێنه" پرۆسه‌ی پیتاندنی یۆرانیۆم له‌لایه‌ن ئێرانه‌وه ده‌ستیپێكردوه و حكومه‌تی ئه‌و وڵاته‌ش ئامانجیه‌تی رێژه‌كه‌ی بگه‌یه‌نێته 90%.
رافایل غه‌روسی رایگه‌یاندوه، حكومه‌تی ئێران به فه‌رمی ئاژانسی وزه‌ی ئه‌تۆمی ئاگاداركردوه‌ته‌وه كه ڕێژه‌ی پیتاندنی ئێستای بۆ 60% به‌رزكردوه‌ته‌وه، ئه‌مه‌ش ئاماژه‌یه بۆ ئه‌وه‌ی كه نیازی وایه درێژه بدات به پرۆسه‌ی به‌رزكردنه‌وه‌ی پیتاندنی یۆرانیۆم تا ده‌گاته 90% بۆ به‌رهه‌مهێنانی چه‌كی كۆمه‌ڵكوژ"
ئه‌و به‌رپرسه‌ی نه‌ته‌وه یه‌كگرتوه‌كان پشتڕاستیكرده‌وه كه ئامانجی ئێران له په‌ره‌سه‌ندنی یۆرانیۆم به‌رهه‌مهێنانی چه‌كی ئه‌تۆمییه و ڕونیكرده‌وه، "به هیچ شێوه‌یه‌ك هیچ هۆكارێكی مه‌ده‌نی نییه كه ڕه‌وایه‌تی بدات به به‌رزكردنه‌وه‌ی ڕێژه‌ی پیتاندن بۆ ئه‌م ئاسته زۆر به‌رزانه".
رافایل غه‌روسی ده‌شڵێت، "ده‌بێت زلهێزه‌كانی ڕۆژئاوا به جددی مامه‌ڵه له‌گه‌ڵ ئه‌م په‌ره‌سه‌ندنی مه‌ترسیداره‌دا بكه‌ن و هه‌نگاو به‌ره‌و دیپلۆماسیه‌تی هه‌مه‌لایه‌نه له‌گه‌ڵ ئێران بنێن".
ئه‌و به‌رپرسه‌ی نه‌ته‌وه یه‌كگرتوه‌كان ئاشكراشیكردوه، ئیداره‌ی نوێی ئه‌مریكا به سه‌رۆكایه‌تی دۆناڵد تره‌مپ، ده‌بێت به ڕێككه‌وتنی ئه‌تۆمیدا بچێته‌وه و هه‌وڵی دوباره كاركردنی له‌سه‌ر بدات، "ئێران پابه‌ند بوه به سنورداركردنی نێوده‌وڵه‌تی بۆ پیتاندنی یۆرانیۆم تا كشانه‌وه‌ی ئه‌مریكا له ڕێككه‌وتنه ئه‌تۆمییه‌كه".
Focus News
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه