دۆناڵد تره‌مپ سه‌رۆكی ئه‌مه‌ریكا له هه‌ڕه‌شه‌یه‌كی تووند ئامێزدا داوای له بزووتنه‌وه‌ی حه‌ماس كرد هه‌رچی زووه كه‌رتی غه‌ززه به‌جێبێڵن و بارمته‌كانیش ئازاد بكه‌ن .
ئه‌مڕۆ پێنجشه‌ممه 6-3-2025 دۆناڵد تره‌مپ له پۆستێكدا له تۆڕی كۆمه‌ڵایه‌تی (تروس ) ی تایبه‌ت به خۆی رایگه‌یاندووه ، "داوا له سه‌ركردایه‌تی بزووتنه‌وه‌ی حه‌ماس ده‌كه‌م هه‌رچی زووه غه‌ززه به‌جێبێڵن و ئه‌و بارمته ئیسرائیلیانه‌ش ئازاد بكه‌ن كه لایان ماون" .
تره‌مپ له پۆسته‌كه‌یدا ئه‌وه‌شی بۆ حه‌ماس خستووه‌ته‌ڕوو، به‌زووی بارمته‌كان ئازاد بكه‌ن نه‌ك دوایی ته‌رمه‌كان راده‌ست بكه‌نه‌وه ، ئێوه نه‌خۆشن و ته‌نیا نه‌خۆش ته‌رمی مردوو لای خۆی ده‌هێڵێته‌وه .
دۆناڵد تره‌مپ راشیگه‌یاندووه ،من هه‌موو شت كه پێویست بكات بۆ ئیسرائیلی ده‌نێرم و ته‌نانه‌ت یه‌ك ئه‌ندامیشتان سه‌لامه‌ت نابن ئه‌گه‌ر ئه‌وه نه‌كه‌ن كه ده‌یڵێم ، ئه‌مه دوا هۆشدارییه بۆ سه‌ركردایه‌تییه‌كه‌تان و ده‌رفه‌تتان له پێشه كه غه‌ززه به‌جێبێڵن ده‌نا مه‌رگێكی پڕ ئازار چاوه‌ڕێتانه و دۆزه‌ختان پیشان ده‌ده‌م .
تره‌مپ له پۆسته‌كه‌یدا بۆ خه‌ڵكی غه‌ززه ئاشكراشی كردووه ، له داهاتوودا له خۆشگوزه‌رانیدا ده‌بن و غه‌ززه‌یه‌كی بێ حه‌ماس ده‌بینن به ئارامی .
لای خۆیه‌وه ئه‌مڕۆ پێنج شه‌ممه 6-3-2025 لە وەڵامی هەڕەشەکانی دۆناڵد ترەمپ سەرۆکی ئەمەریکا، حازم قاسم، گوتەبێژی بزووتنەوەی حەماس لە ڕاگەیەنراوێکدا ئاماژەی بەوە کرد ،هەڕەشەکانی ترەمپ هانی ئیسرائیل دەدات، پابەندی هەموو بەندەکانی ڕێککەوتنی ئاگربەستی غەززە نەبێت
حازم قاسم داواشی لە دۆناڵد تره‌مپ و ئیدارەی نوێی ئەمەریکا کرد، فشار لە ئیسرائیل بکه‌ن تاوەکوو دەست بە گفتوگۆکانی تایبەت بە قۆناغی دووەمی ڕێککەوتنی ئاگربەستی غەززە بکات .
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه