فوئاد حسێن وهزیری دهرهوهی عێراق رایدهگهیهنێت، ئهمریكا داوای رێكخستنهوهی بانكی ناوهندی و تێكهڵكردنی حهشدی شهعبی به وهزارهتی بهرگری و چهكداماڵینی گروپه چهكدارهكانی كردوه و دهشڵێت، "ههر ڕێوشوێنێك كه گهیشتنی دۆلار به عێراق رابگرێت، قهیرانێكی گهورهی نهختینهیی له ناوخۆی عێراق دروستدهكات".
فوئاد حسێن له چاوپێكهوتنێكدا لهگهڵ كهناڵی شهرقیه ئهمشهو رایگهیاند، ناوهڕۆكی ئهو داواكاریانهی ئهمریكا بۆ عێراق باس له سهپاندنی سهپاندنی سزا ناكهن، بهڵكو چهند داواكاریهكن كه لهڕێگهی باڵیۆزخانهی عێراق له واشنتنهوه ئاڕاستهی بهغدا كراون.
وتیشی، "سهركردهكانی چوارچێوهی ههماههنگی و محهمهد شیاع سودانی سهرۆك وهزیران داوایان له باڵیۆزی عێراق له واشنتن كرد بۆئهوهی به فهرمی پرسیاری ههڵوێستی ئهمریكا بكات، ئهویش لهڕێگهی وهزارهتی دهرهوه و ئهنجومهنی ئاسایشی نیشتمانی ئهمریكاوه پهیامهكانی ئهو وڵاتهی وهرگرتوه كه یهكێك له داواكاریهكان رێكخستنهوهی بانكی ناوهندی و بانكهكانی عێراقه له بواری داراییدا، جگه لهوهش تێكهڵكردنی حهشدی شهعبیه به وهزارهتی بهرگری عێراق، ههروهها چهكداماڵینی گروپه چهكدارهكانیش یهكێكی دیكهی داواكاریهكاین ئهمریكایه".
وەڵام بدەوه