ترەمپ دۆخی ئێران دەگۆڕێت

 دۆناڵد ترەمپ، سەرۆکی ئەمریکا لە چاوپێکەوتنێکی ڕادیۆییدا لەسەر پرسی ئێران ڕایگەیاند:
هەر کە جەنگی ئێران کۆتایی بێت، نرخی سووتەمەنی بە ڕێژەیەکی زۆر بەرچاو دادەبەزێت.بەمزووانە ئێرانێکی بێ چەکی ئەتۆمی دەبینین و ئەو دۆخە بە خێرایی دەگۆڕێت. من جەنگم لەگەڵیان دەستپێنەکرد، بەڵکو ئەوان لە ساڵی 1979ەوە دەستیان پێکرد. ئەوان بۆ ماوەی 47 تا 52 ساڵە دڕندەن و چەتەکانی ڕۆژهەڵاتی ناوەڕاستن کە چەندین ئەمریکییان کوشتووە.
ئێمە قاسم سولەیمانیمان کوشت کە باوکی بۆمبە چێنراوەکانی سەر ڕێگا بوو و سەربازەکانمانی دەکردە قوربانی.
 سەرجەم 159 کەشتییەکەیان لە بنی دەریادان و 268 فڕۆکەشیان لەسەر فڕگەکان پارچە پارچە کراون. ڕادار و بەرگرییە ئاسمانییەکانیان لەکارکەوتوون و سەرکردەکانیشیان نەماون، بۆیە نازانین دانوستان لەگەڵ کێ بکەین. ئێمە گەرەنتی ئەوەمان دەوێت کە هەرگیز ناتوانن ببنە خاوەنی چەکی ئەتۆمی، چونکە گەورەترین پاڵپشتیکاری تیرۆرن لە جیهاندا. ئەگەر دەرفەتیان هەبووایە، ڕۆژهەڵاتی ناوەڕاست و ئەوروپایان وێران دەکرد، چونکە کەسانێکی زۆر شێتن.