شاندێكی وەزارەتی كار و كاروباری كۆمەڵایەتیی هەرێمی كوردستان سەردانی بەغدا دەكات و داوای گەڕانەوەی پارەی چاودێریی كۆمەڵایەتی و زیادكردنی مووچەی خاوەن پێداویستییەكان دەكەن.
ئەمڕۆ سێشەممە 30/7/2024، كوێستان محەمەد، وەزیری كار و كاروباری كۆمەڵایەتیی هەرێمی كوردستان، لە كۆنگرەیەكی رۆژنامەنووسیدا، رایگەیاندووە، لە سەرەتای مانگی ئابەوە، شاندێك وەزارەتەكەیان سەردانی بەغدا دەكات.
كوێستان محەمەد ئاماژەی بەوە كردووە، لە بەغدا داوا زیادكردنی مووچەی خاوەن پێداویستییەكان و هاوتاكردنی لەگەڵ مووچەكانیان لەگەڵ شوێنەكانی دیكەی عێراق دەكەن.
روونی كردەوە لە هەرێمی كوردستان، زیاتر لە 72 هەزار خاوەن پێداویستی تایبەت هەن و زیاتر لە 13 كەس تۆماری نوێن و ناوەكانیان نێردراوە بۆ بەغدا و ئێستا لەلای وەزارەتی دارایی عێراقە.
هەروەها شاندەكە داوای پارەی چاودێریی خێزان دەكات، كە لە 2015وە بڕاوە، دەیانەوێت هەژارەكانی هەرێمی كوردستانیش هاوشێوەی خێزانە هەژارەكانی عێراق سوودمەند بن.
وەڵام بدەوه