کوردستان پرێس / کورتەی هەواڵ:
پەیمانگەی واشنتن بۆ توێژینەوە لە ڕاپۆرتێکی شیکاریدا کە ئەمڕۆ هەینی بڵاویکردووەتەوە، تیشک دەخاتە سەر ئاڕاستەی نوێی سیاسەتی ئەمریکا بەرامبەر بەغدا و ڕایدەگەیەنێت کە واشنتن چیتر هەڵوێستی ناڕوون و تەمومژاوی عێراق سەبارەت بە هەژموونی ئێران قبووڵ ناکات.
تهوەرە سەرەکییەکانی ڕاپۆرتەکە:
ڕوکردنە ڕۆژئاوا: واشنتن پێیوایە کاتی ئەوە هاتووە عێراق واز لە ئێران بهێنێت و بە شێوەیەکی ڕوونتر بەرەو وڵاتانی ڕۆژئاوا هەنگاو بنێت.
پێشبینییەکانی ئەمریکا لە سەرۆک وەزیران: ئەمریکا پێشبینی و ئومێدی گەورەی لەسەر عەلی زەیدی، سەرۆک وەزیرانی عێراق هەڵچنیوە، بەڵام ڕاپۆرتەکە هۆشداری دەدات کە ڕەنگە واشنتن تووشی نائومێدی بێت؛ چونکە پرسی هەڵوەشاندنەوە و چەککردنی میلیشیاکان تەنیا لە دەستی حکوومەتدا نییە، بەڵکو پێویستی بە ویستی سیاسی لایەنە شیعەکان هەیە کە هێشتا لەژێر کاریگەری ئێراندان.
هاوشێوەکردنی دۆخی عێراق و سووریا: ئامانجی کۆتایی ئەمریکا ئەوەیە کە هاوشێوەی ئەوەی لە سووریا ڕوودەدات، عێراقیش بە تەواوی لەژێر هەژموونی سیاسی و سەربازی ئێران ڕزگار بکات.
#Kurdistanpress
وەڵام بدەوه