عەباس عێراقچی : بە سەردانێکی فەرمی گەیشتە بەغدا

کوردستان پرێس / بەغدا

بەیانی ئەمڕۆ یەکشەممە، عەباس عێراقچی، وەزیری دەرەوەی کۆماری ئیسلامی ئێران، بۆ سەردانێکی فەرمی یەک ڕۆژە گەیشتە بەغدای پایتەختی عێراق و لەلایەن فوئاد حوسێن، وەزیری دەرەوەی عێراقەوە پێشوازی لێکرا.

تەوەرە سەرەکییەکانی سەردانەکەی وەزیری دەرەوەی ئێران:

پێوەندییە دووقۆڵییەکان: گفتوگۆ لە ئاستی باڵا لەگەڵ گەورە بەرپرسانی عێراق سەبارەت بە پێوەندییەکانی نێوان هەردوو وڵات و پێشهاتەکانی ناوچەکە و کۆمەڵگەی نێودەوڵەتی.

ڕێوڕەسمی بەخاکسپاردنی خامنەیی: سەرپەرشتیکردنی ئامادەکارییەکان بۆ هێنانی تەرمی عەلی خامنەیی، ڕێبەری ئێران، بۆ ناوچە پیرۆزەکانی شیعە لە عێراق پێش بەخاکسپاردنی.

دۆسیەی دارایی و پارەی غاز: تاوتوێکردنی پرسی دانەوەی پارەی غازی ئێران لەلایەن بەغداوە، کە بەهۆی ڕێککەوتن لەگەڵ ئەمریکا و هەڵگرتنی سزاکان، ئێستا عێراق دەتوانێت ئەو پارانە ڕەوانەی ئێران بکاتەوە.

پرسی ئەمنی و بەرهەڵستکاران: جەختکردنەوە لەسەر پابەندبوونی بەغدا و هەرێمی کوردستان بۆ ڕێگریکردن لە هەر جۆرە پەلامارێکی هێزە بەرهەڵستکارەکانی دژبەری ڕژێمی ئێران لە ناوخۆی عێراقەوە بۆ سەر خاکی ئێران.

#Kurdistanpress