سه‌رۆكی ده‌سته‌ی ژینگه‌ پێشوازیی له‌تیمی سیستمی ئاگاداركردنه‌وه‌ی پێشوه‌خته‌ی كاره‌ساته‌ فره‌ ره‌هه‌نده‌كان كرد

به‌یارمه‌تی دارایی به‌ریتانیاو كه‌نه‌دا ، به‌هاوكاریی به‌رنامه‌ی نه‌ته‌وه‌ یه‌كگرتووه‌كان بۆ گه‌شه‌پێدان سیستمی ئاگاداركردنه‌وه‌ی پێشوه‌خته‌ی كاره‌ساته‌ فره‌ ره‌هه‌نده‌كان له‌هه‌رێمی كوردستان داده‌نرێت
ئه‌مڕۆ رێكه‌وتی 4/9/2022 ئه‌ندازیار عه‌بدولڕه‌حمان سدیق سه‌رۆكی ده‌سته‌ی ژینگه‌ی هه‌رێمی كوردستان به‌ئاماده‌بوونی به‌ڕێوه‌به‌رانی فه‌رمانگه‌ی هونه‌ری و فه‌رمانگه‌ی هۆشیاریی پێشوازیی كرد له‌تیمی سیستمی هه‌رێمیی یه‌كگرتووی ئاگاداركردنه‌وه‌ی پێشوه‌خته‌ی كاره‌ساته‌ فره‌ ره‌هه‌نده‌كان كه‌ به‌ (رایمس) ناسراوه‌و ، پێكهاتبوون له‌ (رامڕاج ناراسیمخان) به‌ڕێوه‌به‌ری تایبه‌تی پڕۆگرام و (كه‌ی جه‌ی رامیش) راوێژكاری پیشكه‌وتووی پڕۆگرام و ، سه‌رهه‌د عومه‌ر رێكخه‌ر له‌تیمه‌كه‌.
له‌كۆبوونه‌وه‌كه‌دا باس له‌وه‌ كرا كه‌ تیمی ناوبراو له‌چوارچێوه‌ی سوود وه‌رگرتن له‌ فه‌ندی به‌ریتانی -كه‌نه‌دی ، له‌هه‌وڵدان بۆ دانانی سیستمێكی تایبه‌ت به‌ ئاگاداركردنه‌وه‌ی پێشوه‌خته‌ی كاره‌ساته‌ فره‌ ره‌هه‌نده‌كان له‌هه‌رێمی كوردستان به‌هاوكاری به‌رنامه‌ی نه‌ته‌وه‌ یه‌كگرتووه‌كان بۆ گه‌شه‌پێدان.
بڕیاره‌ هه‌ر له‌م هه‌فته‌یه‌دا كۆبوونه‌وه‌یه‌كی دیكه‌ له‌گه‌ڵ ده‌سته‌ی ژینگه‌ ئه‌نجام بده‌ن بۆ كۆكردنه‌وه‌ی زانیاریی له‌باره‌ی یاساو په‌یڕه‌وو رێنماییه‌ ژینگه‌ییه‌كان بۆ پاڵپشتیكردن له‌سیستمه‌كه‌و ، پێشكه‌شكردنی لیستێكیش به‌پێداویستییه‌كان بۆ ده‌ستپێكردن و سه‌رخستنی پڕۆژه‌كه