گوتەبێژی یەكێتیی خانەنشینانی هەرێمی كوردستان رای دەگەیەنێت، ئەوانەی ئەمساڵ خانەنشین بوون، مووچەی مانگی دوو وەرناگرن.
ئەمڕۆ شەممە یەكی ئادار، سادق عوسمان گوتەبێژی یەكێتیی خانەنشینانی هەرێمی کوردستان راگەیاند، تا ئێستا كارەكانی بەخانەنشینبوونی ئەو فەرمانبەرانەی ئەمساڵ یاساكە دەیانگرێتەوە و هەر سێ لە دایكبوونەكە كە خانەنشنین كران، تەواو نەبووە و كاریان بۆ دەكرێت.
زیاتر گوتی، تا كارەكانیان بۆ نەكرێت و لە خانەنشینی تۆمار نەكرێن، مووچەشیان بۆ نابەسترێت، بۆیە بۆ مووچەی مانگی دووی ئەمساڵ ئەوانەی ئەمساڵ خانەنشین بوون مووچەیان بۆ خەرج ناكرێت و بۆ مانگەكانی داهاتوو مووچە وەردەگرن.
سەرچاوەیەكی بەرپرس لە خانەنشینی هەرێم بە "وشە"ی راگەیاند، كار دەكرێت بۆ ئەوەی ئەو خانەنشینانە رێكارەكانیان تەواو بكرێت و لە مانگەكانی تر مووچە لە كاتی خۆیان وەك خانەنشینەكانی تر مووچەی مانگانە وەربگرن.
جێگەی باسە، ئەو خانەنشینیانە بڕیار وایە دوای تەواوبوونی كارەكانیان لە خانەنشینیی هەرێم، بڕی 12 مووچەی تەواو وەربگرن و هەر یەكەشیان ئەگەر خاوەن 25 ساڵ خزمەت بێت شەش مووچە لە فەرمانگەكانیان وەربگرن.
وەڵام بدەوه