جموجۆڵە دیپلۆماسیەکانی سەرۆکی حکومەتی هەرێم لەم دۆخەی نها هەرێمی کوردستان پێیدا تێپەڕدەبێ، هێمای زیندووێتی رۆحی دیپلۆماسیەت و زیاتر قایم کردنی پێگەی هەرێم و سەلماندنی واقعی ئێستای هەرێمە لە چوارچێوەی کۆی گشتی هاوکێشە سیاسیەکانی رۆژهەڵاتی ناوەڕاستدا.
گرێدانی هەرێمی کوردستان بە دوونیای دەرەوەو دروست کردن و بەهێزکردنی پردی پەیوەندی بە دونیای دەرەوە، شکاندنی تەوق و پوچەڵ کردنەوەی هەوڵەکانی لە قالبدان وگۆشەگیر کردنی هەرێمی کوردستانە.
سەرباری ئەمەش ئاشناکردنی دۆستانی گەلەکەمانە بە دۆخی ئێستاو پێگەی هەرێمی کوردستان لە ناو چەقی ململانێی هاوکێشە سیاسیەکانی ناوچەو هەوڵێکیشە بۆ زیندووهێشتنەوەی برواو متمانەو هیوای گەلەکەمان بە دوای رۆژێکی باشترو ئاسودەتر.
پێویستە خوێندنەوەی ئەو واقعە سیاسیەی هەرێمی کوردستان پێیدا تێپەڕدەبێ بە لەبەر چاوگرتنی ئەو گۆڕانکاریانەی بە خێرایی لە گۆڕەپانی سیاسی و ئابوری جیهانی و جەنگی وزەو شەڕی خوێناوی رووسیەو ئۆکراینیا دێنە ئاراوە، خوێندنەوەیەک بێت لەسەر بنەمای واقعی سیاسی نێودەوڵەتی دۆخی ئێستاو ئابوری هەرێمی کوردستان و بەرچاوخستنی کەرتی وزەوە.
سەردانیکردنی شاندو نێردەو نوێنەرانی حکومەت بە سەرۆکی حکومەتیشەوە بۆ وڵاتانی دەرەوەو ئاشناکردنی سەرکردە و دۆستانی ئەورووپی و ئەندامانی کۆمەڵگای نێودەوڵەتی بە دۆخی ئێستاو هەلومەرج و پێشهاتەکان، لە هەر کاتێک بایەخدارترو زەروورترەو پێویستە بەردوامیان پێ بدرێت.
وەڵام بدەوه