هەر گەل و نەتەوەیەکی پەرتەوازە لەسەر ئەم هەسارەیە بدۆزیتەوە لە ناوەخۆیدا ڕیزەکانی یەک نەبێ، درەنگ یا زوو لە ناو بۆتەی قەوارەیەکی تردا، نەخاسمە داگیرکارو خاوەن هەژمون، دەتوێتەوەو لەناو دەچێ.
وابەستەیی بوونی گەلانی جیهان بە یەکڕیزی و ژیانکردن بە ئاشتەوایی و جیاوازی قەبوڵ کردن و دان نان بە هەمەجۆرێتی کۆمەڵایەتی و فرەدیدگایی، زامنی مانەوەو بەردەوامبوون و زیندووێتی نەتەوەییە.
ناکرێت ئامادەیی هەست کردن بە بەرپرسیارەتی بەشێک لە کۆمەڵگاو سەرکردەو کاراکتەری سیاسی لە تروپک دابێ و بەشەکەی تریش فرچکی بە نانەوەی ئاڵۆزی و گرژی و پەرتەوازەییەوە گرتبێ.
مەحاڵە حیسابی دوو ئاراستە وەک یەک وێنای بۆ بکرێت.
هەندێ بکەری سیاسی لە روانگەی هەست کردنیان بە بەرپرسیارەتی مێژوویی و ئەرکی ئەخلاقی و دونیابینی و پرەنسیپەکانەوە شەو بخەنە سەر رۆژ و ئەرکی بە لەنگەرگەیاندنی کەشتیی چارەنووسی نەتەوەیەک لە کەناری ئارامی بخەنە ئەستۆی خۆیان و کۆمەڵە کەسانێکی بودەڵەو هەلپەرەستیش جگە لە تەگەرە نانەوە، هیچ هونەرێکی تر نەزانن.
بەڵام هەمیشە ئەوە بکەرە نەزان و هەلپەرەست و نابەرپرسەکانن دواجار شکست دەهێنن و دەخرێنە پەراوێزی ئەو مێژووەی خۆیان بەشێک بوون لێی و نەیانتوانی لەگەڵ واقع و دەرەنجامە ڕاستەقینەکانیدا هەلبکەن.
وەڵام بدەوه