هەندێ لایەن و هێزو گرووپی وا هەن بە هیچ دوعایەکی حوکومەت و هەرێم هەرگیز ناڵێن ئامین.
ئەم تاقم و ئاڕاستە سیاسی و کۆمەڵایەتیانە وەک بڵێی تەڵاقیان ئەکەوێ ئەگەر بۆ تاکە جارێک لە پێناوی بەرژەوەندی خەڵک و خاکەوە حەقیقەتەکان نەخەنە ژێر پێوەو دان بە ڕاستیەکاندا بنێن و واز لە خووی بەدی پەرتکردن و فیتنەنانەوە بهێنن.
هەندێ کەس و ڕاست و چەپ پەلاماری حوکومەت و قەوارەی هەرێم ئەدەن و بە ئاشکرا لایەنداری نەیارانی هەرێمن و نیازە خراپەکانیان دەردەخەن.
ئەم جۆرە بوونەوەرانە وەک بڵێی تەڵاقیان ئەکەوێ ئەگەر ڕاستیەکان باس بکەن.
جارێک داوای گەڕانەوە بۆ بەغدا دەکەن.
کە حوکومەتیش نیازی رێککەوتن و یەکلایی کردنەوەی دۆسیەکانی نێوان هەرێم
بەغدای هەبوو، دەیان ناووتۆرەی بۆ دادەتاشن و بەغدا وەک سویس و فەرەنسا وينا دەکەن.
ئامانجی سەرەکی ئەم تەوژم و تاقمە دژە هەرێمانە هیچیتر نیە جگە لە ختوکەدان و بڵاکردنەوەی نائومێدی و دڵەراوکێ و ئاڵۆزی سیاسی و کۆمەڵاتی و بچوک کردنەوەی هەرێم و لەباربردنی بەری رەنج و تێکۆشانی شەهیدان.
وەڵام بدەوه