Kurdistan Press - نامەیەک لە بەرپرسێکی وڵاتێکی جیھانی بۆ نێچیرڤان بارازانی نامەیەک لە بەرپرسێکی وڵاتێکی جیھانی بۆ نێچیرڤان بارازانی | Kurdistan Press

KurdistanPress...

CLOSE

نامەیەک لە بەرپرسێکی وڵاتێکی جیھانی بۆ نێچیرڤان بارازانی

 

سه‌رۆكى هه‌رێمى كوردستان نامەیەکی لە وه‌زيرى ده‌ره‌وه‌ى ئه‌ڵمانياوه‌ پێگه‌يشت کە تێیدا جەخت لە پشتیوانی ئەڵمانیا بۆ هەرێمی کوردستان و عێراق دەکاتەوە. 

رۆژی سێشەممە 28-03-2023، نێچيرڤان بارزانى، سه‌رۆكى هه‌رێمى كوردستان نامه‌يه‌كى له‌ ئانالێنا بێربۆک، وه‌زيرى ده‌ره‌وه‌ى ئه‌ڵمانياوه‌ پێگه‌يشت. 

بەگوێرەی راگەیێندراوی سەرۆکایەتیی هەرێمی کوردستان، وه‌زيرى ده‌ره‌وه‌ى ئه‌ڵمانيا سوپاسگوزارى خۆی بۆ پێشوازيى دۆستانه‌ى سه‌رۆكى هه‌رێمى كوردستان له‌ كاتى سه‌ردانيدا بۆ هه‌رێمى كوردستان له‌ رۆژانى 7 - 10ى ئه‌م مانگه‌دا دەربڕیوە. 

لە نامەکەدا ئانالێنا بێربۆک جه‌خت له‌ به‌رده‌واميى پشتيوانيى وڵاته‌كه‌ى بۆ عێراق و هه‌رێمى كوردستان ده‌كاته‌وه‌ و ئاماژه‌ى بۆ به‌رده‌واميى ‌بوونى هێزه‌كانى ئه‌ڵمانياى له‌ هه‌رێمى كوردستان داوه‌. 

بێربۆک، وەک سەرۆکایەتیی هەرێمی کوردستان دەڵێت، سوپاس و پێزانينى ئه‌ڵمانياى بۆ هه‌رێمى كوردستان ده‌ربڕيوه‌ بۆ ميوانداريكردن و حه‌واندنه‌وه‌ى ئه‌و ئاوارانه‌ى له‌ ئه‌نجامى هێرش و په‌لاماره‌كانى داعش له‌ ساڵى 2014ـه‌وه‌ له‌ هه‌رێمى كوردستان داڵده‌دراون، به‌تايبه‌تيش ئاواره‌كان له‌ هه‌ردوو پێكهاته‌ى مه‌سيحى و ئێزدى. 

وه‌زيرى ده‌ره‌وه‌ى ئه‌ڵمانيا پشتگيريى وڵاته‌كه‌ى بۆ گه‌ڕانه‌وه‌ى ئاواره‌كان بۆ سه‌ر زێد و شوێنى خۆيان دووپاتكردووه‌ته‌وه‌، بۆ ئه‌م مه‌به‌سته‌ش هانى هه‌رێمى كوردستان و عێراق ده‌دات بۆ گفتوگۆ و كاركردن له‌سه‌ر ئه‌و بابه‌ته‌. هه‌روه‌ها جه‌ختى كردووته‌وه‌ كه‌ به‌لاى ئه‌ڵمانياوه‌ گرنگه‌ كارى جیددى له‌سه‌ر رووبه‌ڕووبوونه‌وه‌ى مه‌ترسييه‌كانى گۆڕانى كه‌شوهه‌وا له‌ عێراق و هه‌رێمى كوردستان بكرێت. 

دەربارەى نوسەر
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
بینینى بابەتەکان

وەڵام بدەوه