دره‌نگانی شه‌وی ڕابردوو بازرگانێكی مادده‌ی هۆشبه‌ر له سنووری شاری سه‌ماوه له باشووری عێراق دوای ڕووبه‌ڕووبوونه‌وه‌ی چه‌ندان كاتژمێر و برینداركردنی 7 ئه‌ندامی هێزه ئه‌منییه‌كان، رزگاری ده‌بێت و هه‌ڵدێت.
سه‌رچاوه ئه‌منییه‌كانی شاری سه‌ماوه ئاشكرایان كرد: شه‌وی ڕابردوو هێزێكی گه‌وره‌ی ڕووبه‌ڕووبوونه‌وه‌ی خێرای عێراق له ناوچه‌ی ئه‌لبوو زوێد له سنووری شاری سه‌ماوه به‌سه‌ر ماڵی بازرگانێكی مادده‌ی هۆشبه‌ریان دادا به مه‌به‌ستی ده‌ستگیركردنی.
ئاشكراشیان كرد: بازرگانه‌كه و كوڕه‌كانی ڕه‌تیان كرده‌وه خۆیان به‌ده‌سته‌وه بده‌ن و ڕووبهڕووی هێزه تایبه‌ته‌كه‌ی ڕووبه‌ڕووبوونه‌وه‌ی خێرا بوونه و بۆ ماوه‌ی چه‌ند كاتژمێرێك شه‌ڕ له‌نێوان هه‌ردوولا دروست بوو.
ئاماژه‌یان به‌وه‌ش دا: له شه‌ڕ و ڕووبه‌ڕووبوونه‌وه‌كاندا 7 ئه‌ندامی هێزه تایبه‌ته‌كه‌ی ڕووبه‌ڕووبوونه‌وه‌ی خێرای عێراق بریندار بوون و یه‌كێك له برینداره‌كانیش ئه‌فسه‌ره و فه‌رمانده‌ی هێزه‌كه بووه.
جه‌ختیشیان كرده‌وه كه دوای چه‌ندان كاتژمێر شه‌ڕ و ڕووبه‌ڕووبوونه‌وه، بازرگانه‌كه و سه‌رجه‌م كوڕه‌كانی توانیان به سه‌لامه‌تی ده‌رچن و هه‌ڵبێن و ڕزگاریان بێت له ده‌ست هێز تایبه‌ته‌كه‌ی ڕووبه‌ڕووبوونه‌وه‌ی خێرای عێراق.
وەڵام بدەوه