نیوەڕۆى ئەمڕۆ دووشەممە 2022.8.8، بەمەبەستى لەنزیکەوە ئاگاداربوون لە چۆنیەتى بەڕێوەچوونى کارەکان، ئومێد خۆشناو، پارێزگارى هەولێر، بەیاوەرى مەسعود کاڕەش، جێگرى پارێزگار و عەبدولواحید ئەحمەد، سەرۆکى شارەوانى وئەندازیار زەردەشت عبدالخالق سرسام بەڕیوەبەرى ئاو و ئاوەڕۆى هەولێر، پڕۆژەی ئاوەڕۆی سندوقی شەقامی 60 مەترى بەسەرکردەوە.
پارێزگارى هەولێر دواى بەسەرکردنەوەى پڕۆژەکە، کە لە نزیک سەرۆکایەتى ئەنجومەنی وەزیرانەوە دەست پێدەکات تاکو شەقامی 60 مەتری نزیک سایلۆ و پێک دێت لە ئاوەڕۆی سندوقی بەپێوانەی (2*2)م دووچاوە بەدرێژی 1200م بە هەموو پێویستی و پاشکۆکانی لە بۆڕی بەتیرەی جیا جیا و چاڵەکانی پشکنین و ئاو وەرگرتن، دەستخۆشى لە ئەندازیاران و سەرپەرشتیار و کرێکارانى پڕۆژەکە کرد.
جێگەى باسە، پڕۆژەی دروستکردنی ئاوەڕۆی سندوقی شەقامی 60 مەترى، بەگوژمەی (2,429,370,000) دوو ملیار و چوار سەد و بیست و نۆ ملیۆن و سێسەد و حەفتا هەزار دینار) لە لایەن کۆمپانیای دازین بە سەرپەرشتی بەڕێوەبەرایەتی گشتی ئاو و ئاوەڕۆی هەرێمى کوردستان دەست بەجێبەجێکردنى کراوە و ماوەى پڕۆژەکەش (270) رۆژە، لەئێستاشدا رێژەی لە 25% جێبەجێکراوە، بەتەواوبوونى پڕۆژەکە دەبێتە بەشێکى گرنگ لەچارەسەری کێشەی کۆبوونەوەی ئاو لەکاتی لێزمە باران بەتایبەتى لەشەقامی 30مەترى و لەو ناوچە و شەقامانەی کە دێنەوە سەری.
وەڵام بدەوه