ئەمشەو شەممە 15ـی 10ـی 2022 هێزە عێراقییەکان لە کەرکووک بڵاو کراونەتەوە بۆ لابردنی هەر پۆستەرێک لەسەر خیانەتی 16ـی ئۆکتۆبەر.
سەرچاوەیەکی تایبەت بە (کوردستان تیڤی) ڕاگەیاند: سەرجەم موختارت گەڕەکانی کەرکووک ئاگادار کراونەتەوە کە نابێت هیچ پۆستەرێک لەسەر 16ـی ئۆکتۆبەر هەڵبواسرێت.
ئەو سەرچاوەیە ئاماژەی بەوەش دا کە ئێستا هێزە عێراقییەکان لەناو کەرکووک بڵاوەیان پێ کراوە بۆ لێکردنەوە و لابردنی هەر پۆستەرێک کە لەسەر 16ـی ئۆکتۆبەر هەڵواسرابێت.
جەختیشی کردەوە کە ئێستا هەڵمەتەکە دەستی پێ کردووە و هەرچی پۆستەر لەمبارەیەوە هەبووە لابراوە.
جێی باسە، سبەی یەکشەممە 5 ساڵ بەسەر خیانەتی 16ـی ئۆكتۆبەری 2017ـدا تێدەپەڕێت کە بە ڕێككەوتنێكی ژێربەژێری سەرۆكی ئێستای یەكێتی و بەشێک لە سەركردەكانی یەكێتی لەگەڵ حەشدی شەعبی و هێزە عێراقییەکان ئەنجام درا و نیوەی خاكی كوردستان بە كەركووكەوە ڕادەستی نەیارانی گەلی كوردستان كرا
کوردستان پڕێس 
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه