جێگری سەرۆکی ئەنجوومەنی سەرکردایەتی پارتی دیموکراتی کوردستان کەرکووک-گەرمیان گوتی، ھیچ کاتێک ھێندەی ئەو پێنج ساڵەی دوای خیانەتی ١٦ی ئۆکتۆبەر خەڵکی ناوچە کوردستانیەکان کێشەیان بۆ دروست نەبووە و تەعریب نەکراون، بۆیە پێویستە پەرلەمان یاسایەک دەربکات و چیتر ئەوانەی خیانەت لەخاک و نیشتیمان دەکەن بێ سزا نەبن و بەئازادی لێی دەربازنه‌بن.
دیاری حوسێن، بۆ ماڵپەڕی فەرمیی پارتی دیموکراتی کوردستان گوتی: "دوای خیانەتی ١٦ی ئۆکتۆبەر کێشە و ئازارەکانی ئەو ناوچانە تەواونابن و کاریگەری لەسەر خەڵکی ھەرێمی کوردستانیش ھەیە و پێی دڵگرانن، چونکە خەڵک تازە تامی ئازادی دەکرد لەو ناوچانە و پێشمەرگەیان لەگەڵدابوو پارێزگاریان لێ دەکرا لەپرێک کۆمەڵە خەڵکێکی خائین ھاتن بەشێوەیەک لە شێوەکان ئەو ناوچانەیان ڕادەستی حەشدی شەعبی کرد، لەوکاتەوە کە ماوەی پێنج ساڵە خەڵک بەو ئازارە دەناڵێنن، کە لەساڵی ١٩٦٨ تا ٢٠١٧ ھێندەی ئەو پێنج ساڵە ناخۆشیان نەبینیووە، چونکە کێشەی گەورە بۆ کورد دروست بووە و ھەست بەشکست دەکەن و کەس نییە بەرگریان لێ بکات و ئەوانەی لەوێشن حیزبەکان خۆیان بێ دەنگ کردووە و حەشدێک دەتوانێ لەوێ حوکم بکات، بۆیە لە واقیعدا خەڵکی کەرکووک لە ئازارێکی گەورە دەژین و چاوەرێی ئەوە دەکەن جارێکی دیکە ئەو ئازادیەیان بۆ بگەڕێتەوە".
جێگری سەرۆکی ئەنجوومەنی سەرکردایەتی پارتی دیموکراتی کوردستان کەرکووک-گەرمیان گوتیشی: "ئەو خیانەتکارانە ئێستا ھەرکاتێک بۆیان برەخسێت خیانەتی دیکەش دەکەن، چونکە ئەوانە لەخیانەت ڕاھاتوون و ئەمە راستیەکە و دروست بەو شێوەیە، بۆیە کەسێک خاک بفرۆشێت ھەموو شتێک دەفرۆشێت و لەخیانەت کردن بەردەوام دەبێت، بۆیە گرنگە پەرلەمانی کوردستان یاسایەک دەربکات ئەوانەی خیانەت بەرامبەر خاک و نیشتیمان دەکەن ئەمانە سزای خۆیان وەربگرن، چونکە بەدرێژایی مێژوو ئەوانەی خیانەت دەکەن و رۆڵەی کورد دەکوژن بەئازادی لێی دەرباز دەبێت، بۆیە پێویستە پەرلەمانی کوردستان و لەسەرووی ھەمووان کوتلەی پارتی پێداگیری بکات ئەو یاسایە دەربکرێت بۆ ئەوەی کەسی دیکە غیرەتی ئەوەی نەبێت بەئازادی خیانەت بکات و لێی دەرباز بێت".
ناوبراو گوتیشی: "تەعریب بەردەوامە و بەردەوام پسولەی خۆراکی شوێنەکانی دیکە بۆ کەرکووک دەگوازرێنەوە ئەوانەی عەرەبی ھاوردەن و ھیچ کاتێک ھێندەی ئەم پێنج ساڵە تەعریب نەکراوە، بەتایبەت لە پارێزگای کەرکووک
وەڵام بدەوه