نەتەنیاهۆ فەرمانی ڕووخانی ئێران دەرکرد

بەپێی وتەکانی سەرۆک وەزیرانی ئیسرائیل، تاران جارێکی دیکە هەوڵی پێشخستنی بەرنامەی ئه‌تۆمی دەدات و ڕووخاندنی ده‌سه‌ڵاتی ئێران بە تەنها ڕێگا بۆ لابردنی ئەو مەترسییە دەزانێت.
به‌پێی زانیارییه‌كانى (جێرۆزالم پۆست، تایمز ئۆفی ئیسرائیل و ڤۆیسی ئەمه‌ریکا) بنیامین ناتەنیاھۆ، سەرۆک وەزیرانی ئیسرائیل، ڕایگەیاندووە کە فەرمانی بە سوپای ئیسرائیل و هه‌روه‌ها دەزگای هەواڵگری مۆساد و دامەزراوە ئەمنییەکان داوە بۆ کارکردن لە پێناو ڕووخاندنی ده‌سڵاتی کۆماری ئیسلامیی ئێران.
ناتەنیاھۆ لە ڕێوڕەسمی دەرچوونی ئەفسەرانی نوێی سوپای ئیسرائیلدا، کە ڕۆژی چوارشەممە ٢١ی ئۆکتۆبەری ٢٠٢٦ بەڕێوەچوو، باسى له‌وه‌ کرد کە ئێران جارێکی دیکە هەوڵی پەرەپێدانی چەکی ئه‌تۆمی دەدات و گوتی: "ڕووخاندنی ڕژێمی ئێران تەنها ڕێگایە بۆ لابردنی ئەو مەترسییەی کە بەرامبەر ئیسرائیل هەیە".
ئەو هەروەها ئاماژەی بە موجتەبا خامینەیی، ڕێبەری ئێران، کرد و تۆمەتی ئەوەی ئاراستەی تاران کرد کە بەدوای پێشخستنی بەرنامەی چەکی ئه‌تۆمییه‌وه‌یه‌.
ئەم لێدوانه‌ نوێیه‌ى ناتەنیاھۆ لە کاتێکدا دێن کە ڕاپۆرتەکان لەسەر ئامادەکارییە سەربازییەکانی ئیسرائیل و ئەگەری هێرشە نوێکان بۆ سەر ئێران بڵاو دەبنەوە. هەروەها، ڕاپۆرتەکان ئاماژە بە ناکۆکی لەسەر کاتی ئەنجامدانی هێرشەکان لە نێوان ئه‌مه‌ریكاو ئیسرائیل، دەکەن.