داب ھەڤرا ھەرێما کوردستانێ ژناڤبەین!

وەرن داب ھەڤرا ھەرێما کوردستانێ ژناڤبەین! 

چەند رۆژە مژارا ژناڤبرنا ھەرێما کوردستانێ بوویە مژارا گەرما رۆژەڤێ، کوب پوستەکێ کونسولێ ئەمریکا ھەولێرێ دەسپێکر، کو خەڵکی ھەرێما کوردستانێ بونە دوو بەش، ھند ژوان دلخوشبون بئازراندنا ڤێ مژارێ بچەندین سەدەما و باندورا چەند پارتان کوب دەستکەفت بخوە دزانن بانگەشەیا خۆیا ھەلبژارتنان نھا پێ دکەن. بەشەکێ زۆرێ خەڵکی ژی کارڤەدانا تۆند ھەبوو ب توندی دژی راوستیان.

بەریا ھەر تشتەکێ بکەین دڤێت مەخاندکا لوژیکی ھەبیت کا پشتی ئەو تشتێ ئەم دکەین دێ بەرھەم چبیت، دا خاندنەکا لوژیکی بۆ ژناڤبرنا ھەرێما کوردستانێ بکەین دوور ل کەرب و کینێ. گریمان مە ھەرێما کوردستانێ ژناڤبر ئەرێ ھوون دزانن بەدیل ( ئەڵتەرناتیڤێ) ھەرێمێ چیە، بەدیل بتنێ ئێک تشتە ئەوژی (عیراقە)،  ھەرێما کوردستانێ نامینیت بەلکو سلێمانی و ھەولێر و دھۆک مینا موسەنا و دیوانیە و زیقار ئێکسەر دێ سەر ب عیراقێ بن. ئەرێ گەلوو نھا کیژان خێزانا ئێکش ڤان باژارێن ھەرێما کوردستانێ ئامادەیە مالا خوە ببەت و ل ئێکش ڤان باژارێن عیراقێ نیشتەجێ بیت، ئەرێ چما گەنجێن ھەرێما کوردستانێ پێلێن دەریایا ئیجە دبرن بمەھان ب پێیان دکەڤنە رێ و بەرەڤ وڵاتێن ئەوروپا دچن کو گەلەکش وان دخەندقن دئاڤێدا لێ ئامادەنینن بچەند دەمژمێران و ب سەیارێ بچن ل ڤان باژارێن عیراقێ بژین!   

داب ھەڤرا ھەرێما کوردستانێ نەھێلین ب ئێکجاری بچینە سەر ب عیراقێ، لێ بەرییا ھەرێما کوردستانێ نەھێلین دا ھندەک پسیاران  ل ویژدانا خۆ بکەین. دەما گەف و مەترسی کەفتیە سەر تەڤایا عیراقێ بسەدەما داعشێ، ئەرێ خەڵک ل ھەرێما کوردستانێ بەرەڤ عیراقێ چوون بۆ پاراستنا جانێ خۆ یان بەروڤاژی خەڵک ل عیراقێ بەرەڤ ھەرێمێ ھاتن؟ بەرسڤ خەڵک ل عیراقێ بەرەڤ ھەرێمێ ھاتن بۆ پاراستنا جانێ خۆە. ئەرێ باژارێن عێراقێ ئارامترن یان باژارێن ھەرێما کوردستانێ؟ بەرسڤ خەڵک ل باژارێن ھەرێمێ دکارن ل سەر جادەیان بنڤن مال و مولک و دوکانێن وان ھەر ب پەردەیەکێ داپوشن لێ ل پرانیا باژارێن عیراقێ ھند جاران خەڵک ل ناڤا مالێن خوەدا ژی ھەست ب مەترسیێ دکەن جانێ وان پاراستی نینە. رێژا ھەژاریێ ل باژارێن ھەرێمێ زێدەتر یان ل باژارین ھەرێمێ؟ بەرسڤ ل گورەی ھەمی پیڤەرێن عیراقێ ھەژارترین باژارێ ھەرێمێ کێمترین رێژا ھەژاریێ ھەیە لچاڤ زەنگینترین باژارێ عیراقێ، بئاوایەکێ دن رێژا ھەژاریێ ل تەڤایا باژارێن کوردستانێ بھەڤرا کێمر 20 سەدێیە، لێ رێژا ھەژاریێ بتنێ ل باژارێ موسەنا 52 سەدێ یە و قادسیە 48 سەدێ یە و زیقار 44 سەدێ یە.  

گەر بەحسا ئاڤەدانیێ بکەین، ب تنێ ئەو ئاڤەدانیا ل ھەولێرا پایتەخت ھاتیەکرن ل تەڤایا باژارێن عیراقێ نەھاتیە کرن کو جیاوازیا بودجێ وان دەھ جاری زێدەترە! کو بودجێ ھەرێمێ کێمتر ل دەھ سەدێ بوویە ل بودجێ عیراقێ!  ئەڤە ژبلی کو 9 ساڵ زێدەتر بودجە بۆ ھەرێمێ نەھاتیە ھنارتن.  

گەر بەحسا مووچەی بکەین کو عیراق مووچەی لدەمێ خوەدا ددەت، بەریا ھەر تشتەکێ عیراق دەوڵەتە، مووچە بۆ ھندێ یە کۆ ھاوڵاتیان داھاتەک ھەبیت لھەژاریێ رزگاربن ژیانا وان باش بیت، کو ئەڤەژی بەشەکێ کێمێ ھاوڵاتیان مووچەی وەردگرن پرانیا ھاولاتیان بێ مووچەنە، ل گورەی ھەمی پیڤەر و راپرسیان ژیانا ھاولاتیێن ھەرێمێ گەلەک باشتر و خوەشترە ل ژیانا ھاوڵاتیێن عیراقێ ھەروەکو بەری نھاژی مەخۆیاکری ڕێژا ھەژارێ ل عیراقی دەھ قات و بیست قاتی ھەرێمێ یە. 

گەر بەحسا لبیرالیەتێ ئازادیا تاکە کەسی و مافێ مرۆڤی بکەین  ئەگەر چەند تێبینی ژی ل سەر ھەرێمێ ھەبن کو وەکو پێتڤی نەبیت لێ ھەرێم ھەڤبەری عیراقێ مینا ئەمریکا و ئەفریقیایە کو ھەرێم ئەمریکایە و عیراق ئەفریقایە ھند جیاوازی زۆرە ب ھەڤرا ناھێنە ھەڤبەرکرن.  

دەنگێ دەفێ دیر یێ خۆشە، گەر راستی دا ھەر تشتێ ھەرێما کوردستانێ ل عیراقێ باشترە، نەبتنێ باشترە بەڵکو ب دەھ قاتی و بیست قاتی باشترە و ب ھەڤرا ناھێنە ھەڤبەرکرن مینا وڵاتێن رۆژئاڤایی ب وڵاتێن ئەفریقی قەت ناھێنە ھەڤبەر کرن. ھەڤدەم ب گشتی ژیانا ھاوڵاتیێ عیراقی گەلەک باشترە ل ژیانا تەڤایا ھاوڵاتین وڵاتێن دەردوورێن خۆە. کەواتە ل سەر  ھەمی کێماسیێن ھەین ژیانا ھاوڵاتیێن ھەرێمێ ل تەڤایا وڵاتێن داگیرکارێن دەردورێن خۆە زۆر باشترە. ئەڤە ژبلی ھەمی دژایەتی و پیلانێن ئەو دانن بۆ لاوازکرنا ھەرێمێ. گەر رۆژەک ھات تاکێن ھەر وڵاتەکێ کوچکرن بۆ عیراقێ بێ دوو دلی دێ داخازا  مانەڤێ ل باژارێن ھەرێمێ کەن ل شوینا باژارێن عیراقێ، ئەڤەل دەمەکێ  دا ل ھەمی وڵاتێن فیدرالی دەوڵەت گەلەک پێشکەفتی ترە ل ھەرێمێ لێ بتنێ عیراقێ نەبیت کو ھەرێم زۆر پێشکەفتی ترە ل عیراقێ. گەر بابەت ناسیۆنالیزمی  نەتەوەپەرستی نەبویە دەمەک بوو عیراقیان داخازا ژناڤبرنا عیراقێ کربوو  بۆ ھندێ بھێنە سەر ھەرێما کوردستانێ ڤە. 

دا ھەرێما کوردستانێ بھێزتر بکەین ئەو ھەرێما ژیان دایە تاکێ کورد کو ب کوردی بژین، کول ھەرێمێ نەبیت ھەرجھێ دن ژیانکردن ب کوردی حەرام و قەدەغەیە،  ھەرێما کوردستانێ مولکێ چ پارت و شەخسان نینە بەلکو مولکێ ھەمی کوردستانیە، ب چاکسازی و ریفورمەکا سەردەمیانە دکارین بھێزتر بکەین، ھەر پارت و شەخس و حکومەتان بگوھرن کەس و  پارتێن ھەژی بھەلبژێرن لێ ھەر دەنگەگ ھات بەحسا ژ ناڤبرنا ھەرێمی کر ب ھەڤرا وی دەنگی بتمامی بێدەنگ بکەن و ژناڤببەن. 

‏#HogirNerwayi