نەفتا ھەرێما کوردستان ل ناڤبەرا تەسلیم بوون و رێکەفتنێ!

نەفتا ھەرێما کوردستان ل ناڤبەرا تەسلیم بوون و رێکەفتنێ!

نڤسینانا : ھۆگر نێروەیی 

جاران دەما ھێشتا ھەرێما کوردستانێ ژ دایک نەبووی کوردان ھەر داخازا ھندێ ل حکومەتێن ئێک دیف ئێکێن عیراقێ دکر پیچەکا نەفتا وان بدەتێ بۆ ھندێ بکەنە سوپێن خوە ل زستانا سار خوە پێ گەرم بکەن. چونکە وی دەمی کوردان نەفت ھەبوو لێ نەفت دەستیدا نەبوو داگیرکری بوو، نەبووریەک ھەبوو بازرگانیێ پێ بکەت ھەناردەی بازارێن جیھانێ بکەت.نە بیرەکا کولایی ھەبوو کو نەفتێ لێ بینتە دەرێ. ھەر چاڤەرێ ھندێ دکر حکومەتا عیراق خێرەکێ پێبکەت چەند بەرمیلێن نەفتا وان بۆ فرێکەت داسوپەیێن خوە گەرمکەن و چرایێن خوە پێ ھەلبکەن! 

پشتی ژناڤچوونا رژێما بەعس  ژدایکبونا کیانەکێ سەربەخۆ بۆ کوردان نەفتا کوردان کەفتە دەستنێن کوردان بخوە، لێ چونکە کورد نویبون دسیاسەتێ دا  پەیوەندیێن دیبلوماسی نەبوون بۆ ھندێ موشتەریەک بھێت نەفتا وان دەربینیت.ئەڤجا حکومەتا عیراقا نوی قوفل ل بیرێن نەفتا کوردان دا بوودجەیەک بۆ تەرخانکر، لێ چونکە کوردان وی دەمی چوو تشت ل دەستیدا نەبون بەرامبەر بودجەی بدەتە حکومەتا عیراقێ، عیراقێ ھەر جارێ بەھانەیەکێ بودجێ کوردان کێم دکر ھەتا گەھشتیە ھندێ ب بریارەکا شەخسی بودجێ کوردان قوتکر. گەر کوردان نەفت نەبوویە قوفلێن بیرێن نەفتا خوە نەشکاندبان نھا عیراق دا ھەر ھند پارەی بکوردان دەت ھەر پیچەک بنێ زکێ وان گەرم بیت ھەروەکی چاوان ل جاران ھند  نەفت ب کوردان دا  بتنێ سوپێن خۆە پێ پر بکەن خوە پێ گەرم بکەن  مینا رێکخراوەکا خێرخوازی رەفتار دگەل دکر نەکو مافێ وان ئەڤە ژبلی ھەمی جاران منەت ب سەر سەرێ کوردان دکرن.

پشتی کێمکرنا بودجێ کوردان و ھەیا گەھشتیە ھندێ بودجێ کوردان بتمامی قوتکرن، کوردان منەتا عیراقێ ھەلنەگرت قوفلێن بیرێن نەفتا خوە شکاندن  چونکە نوی بوون دبازرگانیا نەفتێدا ھەیا موشتەریا بینین بێی ڤەگەرن بۆ عیراق جونکە د سیاسەتا ناڤدەولەتیدا یەکا سەربەخۆ بریاربدەستە نەکو ھەرێم لەوما بۆ فاولەکا ناڤدەولەتی کوردان کۆمپانیایێن دەرئێخستنا نەفتێ تەماع کرن و قازانجێ زێدەتر دایێ، قازانجەکێ زێدەژی ب تورکیا دا بۆ ھندێ دەروازا وان بکاربینیت رێکێ ب نەفتا وان بدەت ل بازارێن جیھانی دا بفروشیت گەر چەند کێمتر ل بەھایێ خوەژی بفروشیت. کو وی دەمی ئەوا کوردان کری ل ناڤبەرا چار داگیرکار و نەیارێن خوە دەولەتەکا مەزنا زلھێز نەدکاری وێ بکەت. ھەتا کورد شارەزا بوون پەیوەندیێن دیبلۆماسی دروستکرین کەفتیە سەر رێچکا درست بەلایەکادی بۆ دروست بوو بەڵایا داعش و قەیرانا داکەفتنا پیترۆلێ روو ل جیھانێ کر ئەڤە ژبلی ژمارەیەکا ئێکجار زۆر یا ئاوارەیان ھاتنە ناڤ ھەرێما کوردستانێ. 

کوردان بوێ نەفتا بەھایێ وێ کەم کۆد یاسایێن ناڤدەولەتی دا قاچاغ ناڤدبر شیان شەرێ مەزنترین دەولەتا تیرۆریستی داعش بکەن ئەفسانەیا وان ژناڤبر و ئاوارەیەکێ زۆر ب ستویێ خوەڤە گرێبدەن پرەنسیبێن مرۆڤایەتیێ و ھەڤرا ژیانێ نیشانی تەڤایا جیھانێ بدەن. پشتی ژناڤبرنا داعشێ کوردان بۆ ئێکەم جار شیان ھەمی سنورێ ئاخا خوە بێخنە ژێر دەسھەلاتا خوە گاڤ بگاڤ ببنە بەشەک ژ نەخشەی پەترولا جیھانێ. پێگەھەکێ بھێز د سیستەمێ ناڤدەولەتی دا بخوە زامن بکەن. لێ مخابنیڤە رێکەفتنا شازدەی ئۆکتۆبەرێ ئەوا ژئالیێ ھندەک لایەنێن ناڤخوە بوینە میکانزمێن وێ رێکەفتنئ جارەکادی کورد پاشڤەبرن فشار و ھێرشێن ھەرێمی و دەولی کەفتنەسەر ژبلی  ژ دەستدانا نیڤا ئاخا خوە رێژەکا زۆرا پێترۆلا خوەژی ژدەستدا. ئێدی جارەکادی کەفتە ژێر قەیرانێن زۆر. 

کابینا نەھێ دەما دەست بکاربووی جارەکادی تووشی گەلەک قەیرانێن جیھانی بوو مینا قەیرانا پەژیکا کۆرۆنایێ کو بو سەدەمێ ژ دایکبوونا سەدان قەیرانا. لێ  کابینا نەھێ شیا خوە راگریت نە تەسلیمی قەیرانا ببیت نەئیرادا خو تەسلیمی بەغدا بکەت. مەسررو بارزانی ھەر  دەسپێکێ گووت تەسلیم بوون دفەرھەنگا مەدا نینە بەڵکو رێکەفتن ھەیە، دێ زڤرینە بەغدا بۆ ڕێککەفتنەکا کونکرێتی چونکە بەغدا چەقێ سیاسەتا مەیە لوێرێ دکارین ھەرێمێ بھێزتربکەین.چونکە کوردان ھەم نەفت و ھەم بوریا نەفتێ ھەبوو. لەوما تەسلیم بوون نەبوو بەڵکو تشتەک بەرامبەری تشتەکێ ھەبوو. 

ئەڤجا پاش دوسیەیا نەفتا ھەرێمی ل پاریس ئێکلایی بووی کو بەریا  ئێکلاییبوونێ چەند سالان کورد بھێز زڤرینە بەغدا بەشداری حکومەتا نویا عیراقێ کر بۆ ھندێ ھەمی مافێن خوە ب یاسایی دەستەبەربکەن. ئەو بوریا نەفتا ھەرێمێ بۆ بازارێن جیھانێ کۆ ھندەک لایەن برق و کین لێ دنێرن کوب سەدەمێ کێشەیان دانن گەر نەبوویە نھا عیراق چوجاران ئامادەنەدبوو رینشتن و  رێکەفتنا دگەل ھەرێمێ بکەت و بەشە بودجەیەکێ مەزن کۆ زێدەتر ل 20 ترلیۆن دینارایە ل بودجێ گشتی بۆ جێگیربکەت بەڵکو وەکو  ھەمی جاران دا پارەکێ کێم و بمنەت بۆ کوردان فرێکەت و بتنێ دا تەسلیمبونا ھەرێمێ رازی بیت نەب رێککەفتن و ھەڤبەشیان. 

ئەگەر خیانەتا شازدەی ئۆکتوبەرێ نەبایە تەڤ پێترولا کوردان ل ژێر دەسھەلاتا کوردان بوویە نھا لشوینا 20 ترلیۆن دیناران دا 30 و 40 ترلیۆن دیناربن. لەوما فرۆشتنا نەفتا ھەرێمێ ب سەربەخۆ کۆ ھەرێم بوو بەشەک ل نەخشەیێ پێترۆلا جیھانێ ئێکش مەزنترین دەستکەفتێن کوردانە کۆ ئیدی جیھانژی پێتڤی پێترۆلا کوردایە،  نەیارێن کوردان نکارن وان ل دەڤەرێ قەتیس بکەن ژبەرکو فشارێن ناڤدەولەتی دێ سەرھەبن رێکێ نادەن نەخشەیێ جیھانی بھێتە تێکدان. 

‏#HogirNerwayi