وەزارەتی خەزێنەی ئەمریکا ڕۆژی چوارشەممە ٩ی نیسانی 2025، دەستنیشانکردنی پێنج قەوارە و تاکێکی نیشتەجێی ئێرانی لە لیستی گەمارۆکاندا بە هۆی پشتیوانی لە چالاکییە ئەتۆمییەکانی ئێران ڕاگەیاند. وەزارەتەکە لە بەیاننامەکەیدا ئاماژەی بەوە کردووە کە ئامانج لەم سزایانە ڕێگریکردنە لەوەی تاران بگاتە چەكی ئەتۆمی.
وەزارەتەکە لە بەیاننامەیەکدا ئاماژەی بەوە کردووە، سزاکان پێنج قەوارە و تاکێک لە ئێران دەکەنە ئامانج، بە هۆی پشتیوانیکردنی بەرنامە ئەتۆمییەکەی ئێران، بەگوێرەی ئاژانسی (ڕۆیتەرز).
ئاماژەی بەوەش کردووە، ئامانجی گەمارۆکان ڕێگریکردنە لەوەی ئێران بە چەكی ئەتۆمی بگات، ڕوونیشی کردەوە لایەنە ئامانجدارەکان بریتین لە ڕێکخراوی وزەی ئەتۆمبی ئێران و کۆمپانیای تەکنۆلۆژیای سەنتەرفۆج.
ئەم هەنگاوە دوای لێدوانەكانی ترەمپ دێت کە ڕۆژی دووشەممە تیایدا ڕایگەیاند: ئەمریکا و ئێران ڕۆژی شەممە لە عومان دانوستانی ڕاستەوخۆ لەسەر بەرنامە ئەتۆمییەکەی ئێران ئەنجام دەدەن. بەڵام دواتر وەزیری دەرەوەی ئێران ڕایگەیاند: کە گفتوگۆکان لە عومان ناڕاستەوخۆ دەبن.
وەڵام بدەوه