(١٠٧) دەرچوى دیکە لە کۆلێژە پزیشکییەکانى زانکۆکانى کوردستان وەرگیران
لە بەر ڕۆشنایی بڕیار و ڕاسپاردەکانى کۆبونەوەى ئەنجومەنى وەزارەتى خوێندنى باڵا و توێژینەوەى زانستى، (١٠٧)قوتابى دیکە لە کۆلێجەکانى (پزیشکى گشتى، پزیشکى ددان، دەرمانسازى) بەشێوەى پارالێل بۆ ساڵى خوێندنى (٢٠٢٢-٢٠٢٣) لە زانکۆکانى هەرێمى کوردستان وەرگیران.
لە ماوەى ڕابردوودا بەشێک لە دەرچوانى ساڵانى ڕابردو داواکارییان پێشکەش بە وەزارەت کرد بۆ وەرگرتنیان لە کۆلێجە پزیشکییەکان بەشێوەى پارالێل، بۆ ئەوەش داواى زیادکردنى کورسى پارالێڵیان کرد، بۆ ئەمەش داوکارییەکەیان لە کۆبونەوەى ژمارە (٧)ى ئەنجومەنى وەزارەتى خوێندنى باڵا و توێژینەوەى زانستى ڕاسپاردەى لێژنەیەک کرا بۆ دیراسەکردن و دیاریکردنى ژمارەى کورسییەکان بەپێى تواناى زانکۆکان.
لێژنەکە تاوتوێى سەرجەم لایەنە زانستییەکانى بابەتەکەو ژمارەى کورسیەکانى بەپێى تواناى زانکۆکان لەسەر ئاستى هەریەک لە کۆلێجەکان کرد، لە ئەنجامداو لە ژێر ڕۆشنایی پێشنیازەکانى لێژنەکە، وەزارەتەکەمان بڕیاریدا بەوەرگرتنى (١٠٧/ قوتابى دیکە لە کۆلێجەکانى (پزیشکى گشتى، پزیشکى ددان، دەرمانسازى) بەشێوەى پارالێل.
جگە لەو دەرچوانەی کە ساڵى پار خۆیان لە کۆلێژەکانى پزیشکى گشتی وەرگیرابون، هەمو ئەو دەرچوانەی کە ساڵانى ڕابردو پۆلى دوانزەیان تەواو کردبوو، بەڵام ئەمساڵ دوبارە داواکارییان پێشکەش کردبوو تا بەسیستمى پارالێل لە کۆلێجە پزیشکییەکان وەربگیرێن، لە ئەنجامدا سەرجەمیان چونە پێشبڕکێى وەرگرتن بۆ کورسییە زیادکراوەکان، لە ئەنجامدا (١٠٧/ قوتابى تر لە دەرچوانى ساڵانى ڕابردوو وەرگیران، کە ناوەکانیان و کەمترین کۆنمرەى وەرگرتنیان لەم لیستەى خوارەوەدا هاتوە.
وەڵام بدەوه